ຄໍາວ່າ “ຖ້າ” ແລະ “ຄອຍ” ມີການອອກສຽງແຕກຕ່າງກັນ ແຕ່ມີຄວາມໝາຍຄືກັນ ຊຶ່ງລາຍລະອຽດມີດັ່ງລຸ່ມນີ້:

ຄໍາວ່າ “ຖ້າ” ມີຄວາມໝາຍຄືກັນກັບຄອຍ, ຄອງ (ຄອງຖ້າ, ຄອຍຖ້າ), ລໍ, ລໍຄອຍ, ຫຼຽວເບິ່ງຫາ ຊຶ່ງເປັນການຂອງບຸກຄົນນຶ່ງຕໍ່ບຸກຄົນອື່ນ. “ຖ້າ” ເປັນການສະແດງເຖິງອາລົມທີ່ຄິດຮອດຍ້ອນເຫັດຜົນໃດນຶ່ງ ອັນເກີດຄວາມຜູກພັນ ດັ່ງ ຄວາມຮັກ, ວຽກງານ ແລະ ອື່ນໆ ເຊັ່ນ: ຖ້າຢູ່ເຮືອນ, ຖ້າຢູ່ສະຖານີລົດ, ຖ້າຢູ່ເດີນບິນ, ຖ້າກິນເຂົ້າ ແລະ ອື່ນໆ. ນອກຈາກນັ້ນ, “ຖ້າ” ໃນຫຼັກໄວຍະກອນຍັງເປັນຄໍາສັນທານ ຫຼື ຄໍາຕໍ່ ເປັນການສະແດງຄວາມຄາດໝາຍໄປໃນທາງໃດນຶ່ງ ເຊັ່ນ: ຜິ, ຖ້າວ່າ, ແມ່ນວ່າ, ຫາກວ່າ.
https://doodido.com/%e0%ba%84%e0%bb%8d%e0%ba%b2%e0%ba%a7%e0%bb%88%e0%ba%b2-%e0%ba%96%e0%bb%89%e0%ba%b2-%e0%bb%81%e0%ba%a5%e0%ba%b0-%e0%ba%84%e0%ba%ad%e0%ba%8d-%e0%ba%a1%e0%ba%b5/